Algypt.
الجمهورية العربية المتحدة
"فكرة مجنونة.. التنفيذ مستحيل.. انسى"
صاح السيد المسئول بهذه العبارة في وجه معاونه ذي الملامح الخبيثة و سقطت قبضة يده هادرة على سطح المكتب مردفا بقوله
انت ازاى تجرؤ على انك تقول الكلام ده
حافظ المساعد على ملامحه الخبيثة و اضاف اليها ابتسامة عند الطرف الأيسر لشفته و قال
يا افندم انا حبيت اساعدهم على تخطي المشاكل السياسية اللى عندهم
ازدرد المسئول ريقه قائلا بهدوء عصبي
و احنا مالنا.. احنا ماعندناش مشاكل سياسية زيهم
تساءل المساعد و هو ينهض واقفا
سيادتك شايف كدة؟
ران نحو عشر ثوان من الصمت و قال المسئول بحنق
اقعد.. انت رايح فين.. قول اقتراحك تاني بوضوح
جلس المساعد بثقة و ازدادت ملامحه خبثا و قال
سيادتك عارف ان فيه ماتش بين مصر و الجزائر.. و لازم فريق واحد يروح كاس العالم.. و دي مسالة حساسة.. و ماحدش ضامن الكسب
قال المسئول بغضب
ادخل في الموضوع اللى انت اقترحته
قال المساعد بسرعة
نعمل اتحاد سياسي بين مصر و الجزائر.. يعني زي مصر و سوريا زمان.. دولة لمدة ثلاثة شهور و نشوف الموقف السياسي
صمت المسئول و اردف المساعد
فريق واحد يروح كاس العالم و امجاد يا عرب امجاد
تساءل المسئول
ايه الهدف
اجاب المساعد بخبث عميق
علشان الناس تفرح
صاح المسئول غاضبا
انت فاكرني واحد من الناس.. اتكلم بوضوح
تحسس المساعد راسه بعصبية و هو يقول
الضغوط السياسية تخف شوية.. مسار بديل و الناس تتكلم شوية.. نقدر نتحرك في مجالات كتيرة بحرية من غير عيون علينا..و ناخد غرضنا و بعدين نقول الوحدة فشلت و
قاطعه المسئول ضاحكا
و امجاد يا عرب امجاد
و تصاعدت اصوات الضحكات
هاهاهاهاااااااااااااااااااااااااااا
