The Driver.
أيمن
ياااه.. عشرين سنة سواقة من غير مخالفة سرعة
صاح هيثم في وجه صديقه ايمن و هو يتساءل عن سر عدم وجود مخالفة سرعة له على الرغم من وجود مخالفات مرورية مختلفة و متعددة مثل الركن صف ثان او التحدث في الموبايل او عدم ضبط حزام الامان و استطرد هيثم في دهشة
العجيب اني باركب معاك كتير و احنا رايحين الشغل.. و عارف سواقتك السريعة و كمان المتهورة.. ازاي ماحدش ظبطك و ضحكت على الرادار
ابتسم ايمن و هو يقول
على فكرة.. انا عمري ما زودت السرعة عن الرادار
قال هيثم مندهشا
خلاص يا سيدي.. بلاش الرادار.. انما يا ايمن انت ماتنكرش انك بتميل للسرعة
اوما ايمن براسه موافقا و قال
يمكن لأني باكون مستعجل.. بس انا باركز في السواقة و بآخد بالي من الطريق كويس
هز هيثم راسه نفيا بقوة و هو يهتف
دي مش اسباب كافية
قال ايمن بهدوء و كأنه يكشف سرا خطيرا
انا عندي موهبة معينة
سخر هيثم قائلا
هتقول انك من فيلم الابطال الخارقين و تقدر تعمل نفسك مطاط او كاوتش و بتجري بالعربية
ضحك ايمن طويلا و قال وسط ضحكاته
لا مش كدة خالص.. انا كنت عايز اقول اني مش ايمن
اتسعت عينا هيثم دهشة و هو يقول
ازاي يعني.. انت مش ايمن زميلي ولا ايه
قال ايمن و هو يضحك
اقصد اقول اني اشول.. باكتب بايدي الشمال و احساسي اقوى و اكتر برجلي الشمال
قطب هيثم بين حاجبيه و تمتم بقوله
ايوة فعلا.. انا عارف انك اشول.. بس ايه العلاقة بين
بتر هيثم عبارته فجاة و برقت عيناه بريق الفهم
حقاً
الرجل الأشول اكثر حكمة في القيادة.. لأن فرامل السيارة عند قدمه الأقوى
الرجل الأشول اكثر حكمة في القيادة.. لأن فرامل السيارة عند قدمه الأقوى
