Wednesday, June 5, 2019

قبليها و لا بعديها


- ألا بالحق، هزيمة و لا نكسة؟
+ امتى؟!
- خمسة يونية يا عم، هو فيه غيرها؟!
+ قصدي امتى؟!
- و بعدين وياك؟! باقول خمسة يونية!
+ ايوة يعني امتى؟!
- انا ماشي! سامو ليكو!
+ خلاص خلاص! شوف يا عمنا!
-اخيرا هتتكلم، شاورلي اشوف فين؟!
+ قبليها كانت هزيمة، و بعديها بقت نكسة!
- انا اللي غلطان، انا مشيت خلاص، و من غير سامو ليكو!
+ بالراحة شوية، قصدي على تلاتة و سبعين!
- تمام كدة! عشرة على عشرة! و شكرا!
+ و ممتاز و نجمة و الى الامام دائماً!

Tuesday, June 4, 2019